الرئيسيةدخولالتسجيل,قرانqr f

الى الاعلى

الى الاسفل

شاطر|

القلب الذي حبك لن ينساك

fatoum
انثى
عدد المساهمات : 267
العمر : 42
مُساهمةموضوع: القلب الذي حبك لن ينساك  الإثنين مايو 16 2011, 12:23



تصدّق وإلا ما تصدّق .. أنا عاجز عن التفكير
تعال وشوف في عينك غيابك وش عمل فيني

حبيبي ما بقى عندي صبر .. يتحمّل التأخير
رحلت .. وعقبك الدنيا غلاها طاح من عيني
أجاوب اللّي يسألني عن أخباري وأقول بخير
وأنا لا خير بغيابك .. ولا حاجه .. تهنيني !!

على طاريك كل لحظه .. ولا أحتاج للتذكير
حريص القلب ما ينسى عيونك , لا توصيني

محد يقدر يعوّضني لأنّك .. في عيوني غير
ومهما شفت أنا الفرحه .. بدونك ما تسليني


وكيف الحال وشلوني .. جواب ما يبي تفسير
بدونك إنت , ما تضحك حياتي وترمش سنيني

مثل شاعر عجز يوصف شعوره وخانه التعبير
أنا ضايع .. ولا أدري من فراقك .. أنا ويني


مثل طير كسر بعدك جناحه وما قدرت آطير
أحاول أبتسم وأنسى ولكن وش ينسيني..؟!

أشوفك في صباحي إنت معنى يا صباح الخير
وأشوفك في مسائي حلم وردي .. لا تصحيني

تصدّق .. السهر يرسم عيوني ويتقن التصوير
ويشق النور في صفحة حياتي .. وما ألاقيني

أنام شلون ومشكلتي عجزت ألقى لها تدبير
طلبت النوم .. لحظاته وعيّى النوم يعطيني

تغيّر وجهي .. من أوّل غيابك وإبتدى التأثير
حبيبي .. من التّعب كافي خذيت اللّي يكفيني

يا أغلى من رحل عنّي يا كل الحب والتقدير
تعال: إن كان لي عندك معزّه وكان تغليني

تعال: إن كنت تعشقني وإذا فعلا تبي لي خير
تعال: ومد لي .. كف الوصل .. وآمد .. كفيني

إذا كان الجفا واجب بدى من قلبي التقصير
أبيك الحين ترجع لي .. ولا ترجع تخليني

أنا ما أقول اللّي صار فيني ما هقيته يصير
لأنّي كنت .. ( متأكد ) .. بأنّ البعد ينهيني








 الموضوع الأصلي  : القلب الذي حبك لن ينساك // المصدر : منتدى دفء الحب // الكاتب: fatoum


رهف
انثى
عدد المساهمات : 42
العمر : 36
مُساهمةموضوع: رد: القلب الذي حبك لن ينساك  الثلاثاء مايو 17 2011, 10:08

واووووووووووووو

على هذه الكلمات الم المعبرة
 الموضوع الأصلي  : القلب الذي حبك لن ينساك // المصدر : منتدى دفء الحب // الكاتب: رهف

القلب الذي حبك لن ينساك

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ❤منتدى الخواطر وعذب الكلام والقصص والروايات❤-
العنوان
القلب الذي حبك لن ينساك
عدد زوار الصفحة
منتدى دفء الحب
يتبع الى?  :: ❤منتدى الخواطر وعذب الكلام والقصص والروايات❤
هل تريد?